Araw ng mga Magsasaka
Ilang libong mga magsasaka ang maglulunsad ng kilos protesta sa araw na ito sa kani-kanilang lalawigan. Nayong umaga, may higit-kumulang limang daang magsasaka ang magmamartsa patungong Mendiola para muling iparating at isigaw sa lansangan ang daan taon nang hinaing ng nakararaming mamayan sa bansa–ang lupa. Sa taong ito, mananawagan din ang mga magsasaka na huwag nang pahabain pa ang implementasyon ng Comprehensive Agrarian Reform Program (katulad na lang ng panawagang mapatalsik si GMA). Labing-siyam na taon na ang CARP, at sa labing-siyam na taong pag-iral nito, higit lamang nitong pinalala ang pyudal na pananamantala ng mga panginoong maylupa sa mga magsasaka’t manggagawang bukid sa kanayunan. Sinangkapan ito ng mas malawak na lupang hindi naipamamahagi at mas tumitinding pandaras, kahirapan, at kamatayan. Patunay na isa lamang itong huwad na reporma sa lupa. Kaya naman, makatarungan lamang na magpakita ng lakas at galit ang laksa-laksang bilang ng mga magsasaka na naniniwala at nagsusulong pa rin ng pakikibaka upang makamit ang tunay na reporma sa lupa at pambansang demokrasya.
*Soles | Larawan ni Karl Castro
Filed under: Mahahalagang Araw ng Pakikibaka | Leave a Comment
Tags: farmers, magsasaka, mob
-
Pansamantala itong magiging putahan, parausan, palaruan, at palikuran ng mga pagninilay-nilay, karanasan, pakikipagsapalaran, kuro-kuro, opinyon, angas, payo, obserbasyon, propaganda, kontra-propaganda, kalandian, katha, pangdudusta, pagpupuri, kabaklaan, katomboyan, kahayupan, at kung anu-ano pang praktika ng hibang na kaisipan.
No Responses Yet to “Araw ng mga Magsasaka”