Ako si Rafael Mandala, ngunit mas kilala sa marami pang ibang pangalan. Nagtapos ng Film and Audio-Visual Communication sa Unibersidad ng Pilipinas. Kasalukuyan kong binabalanse ang teorya at praktika ng sining at pambansa demokratikong pakikibaka.

Hilig ko ang bumigkas ng tula at mga kuwento at likhain ito upang maging biswal na naratibo ng pagpapalaya. Mula sa mga paboritong paksa tulad ng personal na kontradiksyon ng isang peti-bugoy, hanggang sa kamuwangan at kamalayan ng mga anak ng digmaan, hanggang sa buhay at kamatayan sa kabundukan- ang bawat yaring pangkultura ay nagsisilbi sa pagwasak ng luma at sa muling paglilikha ng bago.

Labas sa pangarap na pawiin ang uri, pangarap kong lumikha ng grupong panteatro ng mga bata doon kung saan ang bawat pagtatanghal ay pagbalikwas sa maligalig nilang kapaligiran. At gayundin, ng isang multimedia at video group, doon kung saan hindi umiiral ang kumbensyunal na  porma ng pagpapalabas at panonood ng pelikula.

Sa mga pangkaraniwang-araw, makikita akong nagpapalaboy sa mga komunidad at lansangan, kasama ang marami pang mga kabataang  lumalaboy kontra sa agos ng kasukuyang kaayusan. GND. :)